Од сите бои, белата боја рефлектира најмногу сончева светлина. Со тоа се намалува температурата во зградите и градовите, поради што во топлите земји голем број згради се со оваа боја. Ceresit нуди 6 нијанси на бела во својот асортиман на Colours of Nature палетата. Eве неколку совети како да ги користите на фасадите.

Бели нијанси за фасади

Употребата на бела боја на надворешниот дел од зградата оптички ја зголемува нејзината големина, тоа ја прави идеална за мали згради. Покрај тоа, таа е безвременска боја и никогаш нема да излезе од мода. Ако планирате да ја обоите зградата во две бои, подобро е да изберете потемна нијанса во приземјето и бела на горните катови. Ова ќе направи зградата да изгледа поголема и посветла. Светлата боја исто така ќе биде многу добро решение за предмети со јасна, сложена и украсена форма. Употребата на бласкави бои би придонела за впечаток на хаос и неред, додека белата првенствено ќе ја нагласи еднобојноста. Нијансите на бела се идеални за згради во природна средина бидејќи добро го нагласуваат зеленилото.

Белата како основна бoja

Белата може да биде основа за сите експресивни бои, и идеална е кога сакате да ја обоите фасадата во силна, контрастна боја. Побарајте различни нијанси на бела боја и усогласете ги со главната боја. За сините елементи, адекватна ќе биде ладната бела, како што е  WHITE ICE, a за црвените елементи топлата нијанса, како што е WHITE DESERT. На оваа боја може да ѝ се даде карактер со помош на додатоците. Поинаков впечаток ќе остави во комбинација со кремаста и сива (можете да ги истакнете карактеристичните елементи, како столбови, капаци, ролетни и сл.), a поинаков со графитот кој оптички ја осветлува.

Белата фасада ќе биде најдобро решение за куќите со керамички плочки во нијанси на природни тули или во некоја друга експресивна боја. Ова е многу импресивен елемент на зградата, со кој ќе биде тешко да се совпадне која било друга боја. Таквата комбинација ќе создаде безвременско дуо.

Eлегантна комбинација

Белата е примарна боја за минималистички, модерни и провансалски стилови, но може да се појави во кој било друг архитектонски стил. Ладните нијанси на бело, на пр. WHITE ICE, WHITE MIST, на зградата ѝ даваат нота на свеченост и елеганција нагласувајќи ја чистотата на зградата. Топлите бои, на пр. WHITE SNOW, WHITE, WHITE DESERT, WHITE ROCK, на зградата ѝ даваат блескав изглед и чувство на пријатност.

Минималистичкиот стил често нагласува одредени елементи со текстура, а не со боја. Затоа, треба да се напомене дека исклучително интересен ефект може да се постигне со комбинирање на различни текстури на бела боја на фасадата. Во модерните згради, белата обично е основна боја и се комбинира со дрво и нијанси на сива боја. Слично е во провансалскиот и медитеранскиот стил, но овде најчесто се комбинира со елементи со пастелни бои, како што се капаци/ролетни.